NetAvisin.fo http://netavisin.fo fo Copyright 2012, NetAvisin.fo birgir@123.fo ingi@jaffa.fo Mon, 6 Feb 2012 00:40:19 +0000 Mon, 6 Feb 2012 00:40:19 +0000 http://cyber.law.harvard.edu/rss/rss.html JaffaCMS http://netavisin.fo/images/netavisin_logo.png http://netavisin.fo 233 41
Eg føli tað sum ein stóran heiður, at siga nøkur orð á hesum so týðandi verkfall “stríðs “degi hjá okkum limun í Føroya Pedagogfelag og fyri Føroya fólkið! Tíðirnar eru nógv broyttar síðani tá ið, eg var barn í 70 unum. Eitt nú fóru mammurnar hjá okkum út á arbeiðsmarknaðin, og harvið broyttist eisini samfelagsmynstrið so lýðandi. Vit hava eisini við tíðini, fingið fleiri vøggustovur, barnagarðar, frítíðarskúlar, ungdómshús og búðstovnar.

Føroya Pedagogfelag var sett á stovn í 1982 og hava vunnið okkum nógv rættindir sum fakfelagsrøðsla gjøgnum árini.
Men stríði er ikki av enn og fakfelagsstriðið heldur fram, hóaast tað er langur vegur á mál og tær pedagogiskun krøllurnar eru nógvar. Men hóast nógvar krøllur eru , at berjast fyri, hava vit í dag eitt sterkt og sera sjónligt fakfelag. Sum virkuliga hevur prógva sítt virði fyri okkum øll og tað skulu vit limir hjá Føroya Pedagogfelag vera ernir av. Gjøgnum árini er nógv er komið á skafti og so at siga, og nógvur framburður er fingin til vega gjøgnum áhaldandi stríð í tøttum samstarvi millum fakfeløg og serliga við politiskar flokkar við vinstraførdum hugsjónum. Har tey bleytu virðini sum oftast viga mest.

Føroya Pedagogfelag hevur boðað frá verkfalli av teirri orsøk, sum vit øll vita, at vit pedagogar ikki fingu nakra fyrireikingartið og onga lønarhækkan. Fráboðanin um verkfallið er eisini tað einasta rætta.
Tad vil eg takka nevndini hja Føroya Pedagogfelag fyri – og tad er neydugt, at vit pedagogar vísa okkara onøgd við støðuna og standa saman, hóast tað rakar ansingin hja okkara børnum, ungum, búðfólkum og foreldrum.

Tað er hóast tað, ein góð og sterk kensla, at vera saman við einari sterkari pedagogiskari eind, nú um dagarnar, meðan verkfalli stendur við.
Men tað eru eisini, onnur viðurskifti, sum vit áhaldandi skulu stríðast fyri, m.a. framhaldandi fáa hægri løn og ymsar viðbøtur til okkara limir. Vit hava i dag lægstu løn i landinum, og vit eru langt aftanfyri grannalondini, tá ið talan er um góð sáttmálaviðurskifti.

So her er framvegis mangt, sum vit pedagogar hava at stríðast fyri. Hví eru vit so í verkfalli hesuferð, jú tí lønin er lág og vit hava td. onga fyrireikingartíð.
Eg má tí bara spyrja: er fyrireiking og pedagogisk arbeiði nú bert ein ” pedagogisk krølla”, sum tikið var til undir samráðinginum.
Nei, svarið er, at fyrireiking er ein sjálvfylgja fyri starvsfóllk á tí pedagogiska økinum. Børnini í okkara samfelag eru millum 6 og 9 tímar dagliga á dagstovnum – so her skal jú bædi fyrireiking og orka til fyri víðari menning av børnunum.

Somuleiðis verður leikað á næstan hvønn dag av okkara arbeiðsgevaranum, um at meira góðska skal til innan okkara øki, og krøvini halda áfram at vaksa, men lønin fylgir ikki við.
Tit fáa onga dygdartíð, men bert ansing, hesin tykist tiverri boðskapurin at vera frá teimum, ið sita hinumegin borðið. Men tað er børn okkara, sum bløða undir hesum hugburði hjá arbeiðsgevarunum.
Vit skulu eftirmeta og fylgja vid tí, sum er frammi í pedagogiska lívinum her heima og í grannalondum okkara. Samstundis sum vit skulu nøkta krøvini frá arbeiðsgevarunum – og krøvini eru sanniliga stór, sum okkara arbeiðsgevarar seta, men peningur fylgir sjálvdan við. Alt hetta skal skipast, og tad tekur sjálvandi fyrireikingartið og hægri løn, og í mínari verð er fyrireikingartíð tað sama sum dygdartíð – og merkir ikki ”minni av tíð til børn okkara,” sum eitt nú arbeiðsgevarar sipa til.

Levi Mørk, námsføðingur
Hoyr røduna her.http://vimeo.com/36208092]]> Sun, 5 Feb 2012 20:30:00 +0000 Mentan Edmund Joensen http://netavisin.fo/rss.php http://netavisin.fo/?ShowArticle=5552 Soleiðis segði 5-ára gamli sonurin í vikuni. Eg spurdi sjálvandi hví, og svaraði hann:
”Tey vaksnu tíma ikki at arbeiða - tí tey vilja hava fleiri pengar”.

Hann hevði gjørt sína niðurstøðu eftir at hava hoyrt útvarpstíðindini og nógv tos um verkfallið.
Mátti greiða honum frá, at orsøkin var ein ”krúlla” – nei, hetta skilti hann onki av.
Royndi síðan at greiða nærri frá hesi sokallaðu ”krúllu”, og at málið í veruleikanum snúði seg um so ómetaliga nógv annað og meira enn pengar.

Frá flatskatti til krúllu

Ongantíð minnist eg til, at ein ”krúlla” hevur fingið so nógva umtalu – sum tann, ið vit viðgera her í dag.

Hetta myndamálið stendur eisini í greiðari mótsøgn til, at vit seinastu mánaðarnar hava práta mest um fløt viðurskifti – so sum flatskatt í Føroyum og hækkaðan blokk frá flatlondum.

Men í veruleikan er talan sjálvandi ikki um eina lítla krúllu, men hinvegin um eina stóra fløkju.

Frá krúllu til fløkju

Eina fløkju – tí at komið er so ómetaliga greitt til sjóndar:

at grundleggjandi munir eru millum sáttmálarættindi hjá ymsum rættiliga líknandi starvsbólkum,

at grundleggjandi trupulleikar eru við, at tengja saman ein frammanundan ásettan skattapolitikk saman við lønarsamráðingum,

at framdi skattapolitikkurin fremur munandi gjáir millum realløn hjá lágløntum og háløntum, og

at tað hevur grundleggjandi stóran týdning, at fakfelagsrørslan hevur eina eins stóra styrki sum arbeiðsgevarasíðan – um javnvág skal verða í samráðingum.


Alneyðugt við javnvág millum arbeiðsgevara og arbeiðstakara

Og ikki minst hetta seinasta er ófatiliga týðandi. Tað at javnvág er í samráðingunum.

Tí uttan hetta, so fánar samráðingarrætturin. Ein rættur, ið ongin eigur at taka fyri givið.

Undan okkum sum standa her í dag, hava ótalligir føroyingar kempað fyri, at fáa henda samráðingarrætt, tá umræður løn og rættindi hjá lønmóttakarum.

Hetta er ein rættur, ið er ringur at fáa – men lættur at missa – um so er, at rætt ikki verður borið at.


Ansið eftir ikki at avmarka samráðingarrætt

Eitt dømi um hetta hevði verið, um so var, at tað var eitt ófrávíkiligt krav, at skattapolitikkur og lønarsamráðingar skuldu tengjast saman. Tá varð samráðingarrætturin munandi avmarkaður.

Tí ein skattapolitikkur – sum nærum øll fakfeløg hava mótmælt, men sum hóast hesi mótmæli varð settur í verk – hvussu kann hesin gerast nakað, ið somu fakfeløg skulu nýta sum fyritreyt fyri lønarsamráðingunum stutt eftir ?

Serliga undarlig gerst støðan tá tann arbeiðstakari, ið er umboðaður her í dag, í stóran mun fær eina reallønarlækking í 2012 – heldur enn hækking.

Flatskattalætti, ið fremur stóra reallønargjógv

Hyggja vit nærri at flatskattalættanum, so eru talan um 265 mió. kr., ið allir føroyingar verða við til at rinda, men sum fyrst og fremst háinntøkurnar fáa gleði av.

Ein føroyingur við løn á 20.000 kr. um mánaðin fær 117 kr. í skattalætta mánaðarliga – 1.400 kr. um árið.

Hevur tú hinvegin eina dupult so stóra inntøku tvs. 40.000 kr. um mánaðin, so fært tú 2.600 skattafrítt eyka um mánaðin og harvið 34.000 kr. eyka um árið at liva fyri. Er inntøkan 60.000 kr. um mánðain, ja, so fært tú 4.300 skattafrítt eyka um mánaðin og 51.600 kr. eyka um árið eyka at liva fyri.

Jú, hægri inntøku – jú, munandi hægri skattalætta.

Samstundis hækkar pensjónsskatturin og onnur gjøld, so lægru lønirnar, ið ikki fáa stórt meira enn ein 100 kr. seðil um mánaðin í skattalætta – fáa tí í veruleikanum eina týðandi reallønarlækking.

Staðfestast kann, at 2012 verður árið, har ...

Vit við flatskattalættanum fáa eina munandi størri gjógv millum realløn hjá lágløntum og háløntum.

Vit fáa eisini eina pensjónsskattahækking – serliga til føroyingar við lág- og miðalpensjónum.

Vit fáa við skatting av pensjónsinngjaldi – heldur enn útgjaldi - eina stóra flyting av framtíðar pensjónsskattainntøkum til nútíðina – frá komandi ættarliði til nú.

Og vit flyta eina munandi inntøkukeldu – pensjónsskatt – frá kommunum kring landið til landskassan.

Sum heild er talan um ein býtispolitikk, ið rakar bæði
sosialt skeivt,
skeivt millum ættarlið og
skeivt millum øki kring landið.

Fakfeløgini hava ikki góðkent skattapolitikkin

Vit vita, at skattapolitikkur kann altíð verða broyttur alt eftir, hvør politiska leiðslan er, men um tað yvirhøvur skuldi givið meining at tengja skattapolitikk og lønarsamráðingar saman, so máttu allir samráðingarpartarnir verða við til at gera langtíðarsemjur um ikki bert um lønarsáttmálar – men eisini um skattaskipan og skattapolitikkin í sáttmálatíðarskeiðnum.

Tvs. so skuldu fakfeløgini eisini verið við til at samansett og góðkent skattapolitikkin.

Hetta hevur sum kunnugt ikki verið galdandi – tvørturímóti.


Takk. 1000 takk

Torført er at finna røttu orðini til at siga nóg nógv takk. Men kundi ikki hugsað mær eitt betur høvi enn hetta at siga takk til allar tykkum námsfrøðingar og ikki minst øll tykkum hjálparfólk, sum eru við til at ríka lívið hjá okkum øllum.

Hvønn dag verður ábyrgdin av okkara børnum og teimum, ið hava serligar avbjóðingar í lívinum, løgd á tykkara herðar – í hvørt fall stóran part av degnum - og hvønn dag bera tit hesa byrðu við røttum ryggi og eru við at lyfta ótalligar føroyingar fram á lívsleiðini.

Havi størstu virðing fyri tí, ið tit geva okkum øllum hvønn einasta dag.

Stóra takk fyri tað.


Føroyar eru ikki fyri øll - enn

Eg havi eitt hjartasuff, ið eg gjarna vil bera fram her.
Kanska tí, at eg vænti, at júst millum tykkum, ið eru her í dag, er stórt ”forstáilsi” fyri hesum.

Kanska eru vit ikki komin longur – vegna tað, sum eitt gamlt føroyskt orðatak sigur:

“Blindar eru ókunnar gøtur.”

Vit vilja so gjarna siga, at vit hava dagstovnar fyri øll.
At vit hava fólkaskúlar fyri øll.
At vit hava einar Føroyar fyri øll.

Men eg má tíverri staðfesta tað, sum flestu okkara her uttan iva vita - at so er ikki.

Vit hava í dag eitt samfelag, ið fyrst og fremst er innrættað til tey, ið klára seg.
Vit royna at hjálpa og stuðla teimum, ið hava serligar avbjóðingar, og eru fleiri framstig eisini hend, síðan vit útfluttu hesi fyri fáum áratíggjum síðan.

Men vit eru enn lagt afturút.

Vit síggja tað eitt nú dagliga í fólkaskúlunum.
Vit síggja tað ikki minst á miðnámsskúlaøkinum – har vit eru ófatiliga lagt afturúr tá umræður javnrættindi – og eisini síggja vit hetta tá umræður manglandi vardar bústaðir og vard størv – og hildið kundi verið áfram. Men ... ” Einki er so ringt, at tað ikki er gott fyri okkurt. “


Tað gongur rætta vegin

Tað gerast alsamt fleiri, ið virka fyri, at fáa broytt hesa støðuna, soleiðis at Føroyar veruliga gerast einar Føroyar fyri øll.

Ikki minst fleiri av tykkum sum eru her í dag, virka dagligt fyri hesum og eru tit eisini týðandi partur av at gera hesa vón og visjón til veruleika.

Ongin ivi er um, at tær fyritreytir, sum tit í hesum døgum kempa fyri - fyri at kunna gera tykkara arbeiði enn betur - vilja m.a. verða til fyrimuns fyri tey, ið hava serligar avbjóðingar í okkara samfelag.

Vit kunnu tó gleðast um, at spakuliga - men støðugt - gongur rætta vegin.

Og um allar tær eldsálirnar sum eru her í dag, eru við til at skapa neistar kring Føroyar, fyri at náa hesum máli, so røkka vit hesum skjótt. Tí sum vit vita, so kann sjálvt ”Lítil neisti birta stóran eld.”

Fakfeløgini høvdu staðið sterkari saman

Tit eru ein stórur og týðandi samfelagsbólkur í dag.

Nærum 2.000 føroyskir námsfrøðingar. Hetta er ein stórur partur av føroysku arbeiðsmegini.

Hetta gevur eina sterka rødd, men um øll fakfeløgini valdu at standa saman – ja, so hevði røddin verið enn meira sjónlig í almenna rúminum, og samráðingarstøðan enn sterkari.

Tí saman høvdu tit ikki bert gjørst fleiri, tit høvdu eisini nátt eini størri javnvág millum arbeiðsgevarasíðuna og arbeiðstakarasíðuna.

Skal ikki leggja meg útí, hvussu fakfeløgini skipa seg, men meti avgjørt, at ein javnvág millum arbeiðsgevara og arbeiðstakara er avgerandi fyri framhaldandi menning av føroyska arbeiðsmarknaðinum, og er tað mín vón, at fakfeløgini í Føroyum velja at samstarva munandi meira í framtíðini.

Bæði um yvirskipað viðurskifti og somuleiðis um ítøkilig viðurskifti.

Ein fitt søga

Nú vit eru inni á, at verða ítøkilig og eg standi her saman við so nógvum námfrøðingum, hjálparfólkum og fittum børnum, havi eg hug at siga eina fitta søgu frá einum degi, tá eg og børnini fóru ein túr í kirkjugarðin við Velbastaðvegin.

Lítli sonurin spurdi, hvar tey deyðu vóru í kirkjugarðinum.

Eg svaraði at kropparnir lógu niðri í jørðini og sálin var farin í himniríki.
Tá vit nakað eftir vóru komin út á Argir spurdi hann aftur (sera umhugsunarsamur).
”Mamma, er tað rætt, at kropparnir eru í jørðini í kirkjugarðinum”. ”Ja” segði eg. So spurdi hann aftur (nú enn meira umhugsunarsamur). ”Men mamma, um kropparnir eru har - hvar eru so høvdini” ?

Hugsaði tá, at helst hevði eg ikki verið nóg ”pedagogisk” í míni frágreiðing, tí børn taka jú alt so sera ítøkiligt.

Samanhald gevur styrki

Tað er ein fantastisk kensla at kunna standa her saman við tykkum øllum í dag.

Tí tað at standa saman um eitt felags mál gevur eina heilt serstaka kenslu og styrki.

Meðan vit hvør í sínum lagi hava okkara styrkir og veikleikar – og ikki fylla so nógv – so gerast vit ómetaliga sterk, tá vit savnast og standa saman.

Eitt sindur sum eitt puslispæl, har ongin prikkur er eins – men saman geva allir hesir eina vakra og sterka mynd.

Vónin er ein góð og virðilig loysn

Tað er ikki bert her á Vaglinum, at fólk í dag savnast um eitt felags mál.

Eisini í Moskva er fráboðað til mótmælisgongu júst í dag – men har hava myndugleikarnir frárátt fólki at møta upp av fleiri orsøkum – men alment verður sagt at hetta er vegna kulda.

Eg vóni veruliga, at hóast tað kann tykjast kalt millum Pedagogfelagið og arbeiðsgevarasíðuna í løtuni, at vit skjótt fara at fáa lýggjar vindar, ið kunnu geva eitt úrslit, ið er bæði gott og virðiligt – og uttan krúllur, ið skilja partarnar.
Góðan arbeiðhug víðari !

Á Vaglinum, 4. februar 2012
Kristina Háfoss
Løgtingskvinna fyri Tjóðveldi]]> Sun, 5 Feb 2012 18:30:00 +0000 Mentan Edmund Joensen http://netavisin.fo/rss.php http://netavisin.fo/?ShowArticle=5551
Sum myndirnar vísa, so gongur vegurin gjøgnum 5., 6. og 7. hædd, og bygningurin annars stendur, sum hann áður stóð.

Japanar hava givið bygninginum eyknevnið Býfluguhúsið.

Vegamyndugleikin leigar hesar hæddirnar og rindar eigarunum av bygninginum leigu fyri tær. Lyftin gongur eisini upp henda vegin, men tað ber ikki til at støðga henni. Eingin knøttur er millum 4 og 8 í lyftini.]]> Sun, 5 Feb 2012 13:00:00 +0000 Mentan Edmund Joensen http://netavisin.fo/rss.php http://netavisin.fo/?ShowArticle=5550
Menninir greiddu løgregluni frá, at teir høvdu keypt fleiri av listaverkunum, og høvdu sjálvir málað nøkur. Hetta trúði løgreglan ikki, tí talan var um listaverk hjá fleiri kendum fronskum listamonnum. Menninir vóru handtiknir, og settir í varðhald.

Tá løgreglan fór at rannsaka heima við hús hjá monnunum, funnu teir 20 onnur stolin listaverk.

Sostatt kann løgreglan í Saint-Ouen takka tveimum heldur toppasmølum tjóvum, fyri góða hjálp í uppkláringini av fleiri málum um stolin listaverk, uppá ein dag!]]> Sun, 5 Feb 2012 10:30:00 +0000 Mentan Ólavur Øre Hansen http://netavisin.fo/rss.php http://netavisin.fo/?ShowArticle=5549
Erica Hernandez varð fødd við hjartafeili og er fegin um, at hon nú hevur fingið nýtt hjarta. Nýggja hjartað kom frá ungum manni, ið læt lív í ferðsluvanlukku. Hetta hendi í Mexico City.











Les fyrru greinina umvegis leinkið:
http://netavisin.fo/index_article.php?ShowArticle=5377]]> Sun, 5 Feb 2012 08:00:00 +0000 Heilsa Edmund Joensen http://netavisin.fo/rss.php http://netavisin.fo/?ShowArticle=5548
”Fyrr í tíðini” var arbeiði mest sum at ansa børnum. So við og við bleiv tørvurin størri og størri at fáa børnini ansaði á dagstovni.

Kravi til tað pedagogiska var ikki so “markant”. Málsetningur bleiv skrivaður, og fyri tey flestu vóru tað trý orð: UMSORGAN - KÆRLEIKI – TRYGGLEIKI ella á donskum tey 3’ rini, RENLIGHED – REGELMÆSSIGHED – ROLIGHED. Í dag hevur málsetningurin og tey pedagogisku og mennandi virðini fingið annað ljóð, og eru tey nógv meira umfatandi, hóast tað omafyri skrivaða framhaldandi er galdandi.

Vit kunnu her nevna ein av uppgávunum, ið krevja nógva tíð, og vilja vit lýsa hetta her. Tá ið barnaverndartænastan krevur iInnheintan av upplýsingum, skulu vit greina vegleiðandi punktir / spurningar :

Hvussu er viðkomandi fyri sosialt?
Hvussu er viðkomandi fyri mentalt?
Hvussu er viðkomandi fyri motoriskt? ( fín- og grovmotoriskt )
Hvussu er viðkomandi fyri við uppfatan?
Hvussu er viðkomandi fyri málsliga?

Áðrenn ein kann senda eitt tílíkt fullfíggja skjal til rætta viðkomandi, má ein byrja við eygleiðingum. Eygleiðingar taka tíð og tær eygleiðingar í ein ger, í mun til punktini omanfyri, skulu festast á blað. Ein slík uppgáva krevur fyrireiking og kann ikki bara gerðast í eini handavending, men krevur fyrireikingartíð, sum ger, at ein vaksin má fara frá sínum arbeiði inni á stovuni, til eitt annað rúm har friður valdar, til at gera uppgávuna liðna. Tað merkir aftur tað, at nú manglar eitt starvsfólk inni á stovuni og so kemur tað aftur, at fyrireikingartíð krevur uppnormering av starvsfólkatímun.

Kravi til okkum pedagogar og hjálparfólk er blivi so ovurhonds stórt, tí má og skal ásetast eitt ávíst tímatal - minimum 2 tímar - til hvørja stovu um vikuna, og skal hetta vera sett í sáttmálan hjá okkara felag, Føroya Pedagogfelag!!!!

Um tað skal eyðnast at gjøgnumføra ein málrættaðan pedagogik, krevur tað fyrireiking áðrenn.

Arbeiðið skal verða gott og deiligt bæði fyri starvsfólk og børn, arbeiðið krevur at ein er væl fyri bæði fysiskt og mentalt. Ein skal kunnu enda arbeiðsdagin soleiðis, at ein hevur yvirskot til at hava frí og ikki taka arbeiðið heim við.

Starvsfólk innan námsfrøðiliga økið í Norðoyggjum]]> Sun, 5 Feb 2012 00:30:00 +0000 Mentan Edmund Joensen http://netavisin.fo/rss.php http://netavisin.fo/?ShowArticle=5547
Hóast Kalda kríggið ikki er til longur, heldur norska verjan, at tað framvegis er alneyðugt at fylgja við í, hvat russar takast bæði á landi og sjógvi nærhendis Norðurnorra. Marjata hevur eisini tann merkiliga vana at vera til staðar í Barentshavinum, hvørja ferð russiski flotin hevur venjingar á leiðunum við Murmansk

Skipið skal savna saman so nógvar upplýsingar sum gjørligt umvegis lurtiútgerð. Umborð eru granskarar, sum duga russiskt mál. Við at avlurta russisk sambond fáast upplýsingar um mannagongdir og orku hjá russiska norðurflotanum.

Norska verjan nevnir ongantíð hetta skip og roynir altíð at gloyma, at tað yvirhøvur er til.

Norska verjan hevur ikki ætlanir um at minka um virksemi. Nýtt skip er bílagt fyri hetta. Nýggja skipið skal byggjast fyri 1,4 milliardir norskar krónur á Langsten. Eftir ætlan verður farið undir byggingina í 2014.]]> Sat, 4 Feb 2012 22:00:00 +0000 Vinnan Edmund Joensen http://netavisin.fo/rss.php http://netavisin.fo/?ShowArticle=5546
Sleiparin hevur røttu týsku hýruvognslitirnar og er í vinnu á jøvnum føti við allar aðrar taxabilar.]]> Sat, 4 Feb 2012 11:00:00 +0000 Akfarið Edmund Joensen http://netavisin.fo/rss.php http://netavisin.fo/?ShowArticle=5545
Danska stjórnin hevur sett sær ein málsetning, sum skal økja arbeiðsútboðið við 20.000 persónum, og harvið fáa 4 mia. krónur eyka í landskassan. Og tí vilja fagfelagssamtøk og arbeiðgevarar koma við hugskotum, hvussu áðurnevndi málsetningur kann røkkast.

Sambært upplýsingum, sum Jyllands-Posten hevur fingið fatur í, er ein møguleiki at avtaka dýra biðidag. Útrokningar hjá DA og Dansk Erhverv vísa, at tað kemur at geva eitt økt arbeiðsútboð á áljóðandi 10.000 persónar, og geva 2 mia. eyka í landskassan.

Sambært framsøgumanninum í arbeiðsmarknaðarmálum hjá Radikalu Vinstra, Nadeem Farooq, eru tað fleiri frídagar, sum kunnu fella burtur, har í millum dýri biðidagur. Nadeem Farooq vísir á, at um Danmark skal hava sama høga vælferðarstøðið í framtíðini, so er alneyðugt at danir arbeiða meira, enn hvat tilfeldið er í dag.

Sostatt er tað møguligt at fjórði fríggjadagur eftir páskir, sum seinastu 325 árini hevur verið ætlaður føstu, bøn og at bera angur um syndirnar, í staðin verður ein vanligur arbeiðsdagur.]]> Sat, 4 Feb 2012 08:30:00 +0000 Politikkur Ólavur Øre Hansen http://netavisin.fo/rss.php http://netavisin.fo/?ShowArticle=5544
Verjuskipið, Ngola Kiluange, er av slagnum FISV 6210. FISV er stytting fyri Fishery Inspection Surveillance Vessel.

Damen Shipyards Galati er eisini í holtur við at byggja eitt fiskiransóknarskip av slagnum FRV 2810 til Angola. FRV stendur fyri Fishery Research Vessel.

Fiskivinna fyllir nógv í búskapinum hjá Angola, men stórir trupulleikar eru við ólógligum fiskiskapi inni á angolskum sjóøki. Angola er farið í tætt samstarv við Namibia og Suðurafrika fyri at koma ólógliga fiskiskapinum til lívs.

Damen Group er hollendsk fyritøka, ið ræður yvir fleiri skipasmiðjum í fleiri londum. Til dømis er ein í Vietnam. Fyritøkan varð stovnað í 1927 og hevur høvuðssæti í Rotterdam.

Um skipið:

- Longd 61.94 m

- Breidd 9.70 m

- Dýpd 4.70.m

- Klassi DNV

- Manningarrúm 45 fólk

-Ferð 17 míl]]> Sat, 4 Feb 2012 07:00:00 +0000 Vinnan Edmund Joensen http://netavisin.fo/rss.php http://netavisin.fo/?ShowArticle=5543
Ymisk tiltøk eru gjøgnum dagin, og í dag hevði hesin bólkur skipað fyri einari stórari mótmælisgongu frá kommununi út til rundkoyringina og inn til Hæddina. Fyrst var føroyskur dansur uttanfyri kommununa, og síðan gingu tey í einari langari ketu, meðan tey sungu.

Ein sera friðarlig og undirhaldandi mótmælisgonga :)

Sí myndir ovast í greinini og uttast til vinstru.

Hevur tú myndir av tiltøkum aðrastaðni í landinum, so ert tú vælkomin at senda tær til okkum.]]> Fri, 3 Feb 2012 15:30:00 +0000 Vinnan Annika E. Joensen http://netavisin.fo/rss.php http://netavisin.fo/?ShowArticle=5542
Skeiðið er býtt í 5 mótul og verður hildið 2 ferðir um árið. Hvørt mótul er í tríggjar dagar.

Nýtt skeið í Insight Focused Therapy byrjar í februar 2012, sí niðanfyri.


- Lívið kann verða litríkt og nøktandi!
- Royn, hvussu tú kanst liva og nýta títt potentiale fult og heilt
- Uppliv lívið í øllum tess margfeldi.
- Kom í samband við Gud, onnur og teg sjálvan.
- Insight Focused Therapy bjóðar persónligan stuðul, sum kann gera hesar dreymar til veruleika.


Kom á skeið og síggj, at tað er meira til tín enn tú heldur.

Skeiðluttakari sigur soleiðis um skeiðið:

"Óansæð hvørjar orsøkirnar eru til, at tú fert á skeið, so fer tað at hjálpa tær og menna og styrkja teg, bæði persónliga, sálarliga og andaliga.

Skeiðið gav mær blóð upp á tonnina til at gerast ein IFT terapeutur, sum dugir at vísa áhuga, at vera opin, elskandi og góðtakandi.Tá eg kom á skeiðið, visti eg ikki rættiliga, hvat skeiðið innibar, men eg eri sera glað fyri, at eg fór. Eg eri komin fram til fleiri tilvitanir, sum uttan iva fara at hjálpa mær.

Nógv av tí, sum vit lærdu, má sodna. Tað er ein tilgongd, sum skal til, til tað at enda gerst ein lívsstílur, um tú veruliga vilt broytast og taka tað til tín.

Tvey orð, sum gingu aftur alla tíðina, vóru: KINDNESS og LOVE.

Vit lærdu at hyggja við "kindness" og "love" upp á okkum sjálvi - okkara kenslur, okkara hugsanir og upp á næsta okkara. - Og eg trúgvi púrasta, at tað er vegurin til eitt betri lív!

Á skeiðnum var ein glaður, uppmuntrandi og uppbyggjandi andi í hásæti alla tíðina.

Eg upplivdi sera persónligt, har tú lærir teg at hyggja djúpt inn í teg sjálva. Tú upplivir Gud og sært og hoyrir, hvat hann kann gera og hevur gjørt, og hvussu hann kann virka. - Tú verður drigin at honum og hansara nærveru. Og tú kemur at flóta í náðiánni, har tú einki skalt gera uttan at flóta. Og tað er sanniliga gott, uppbyggjandi og vælsignað!"

Hevur tú tørv á hesum, so er Insight Focused Therapy júst nakað fyri teg.

Um nóg nógv tekna seg, verður fyrsta modul 24.-26. februar 2012 frá kl. 10.00 til 17.00

Undirvísari er Karin Roth úr Zalsburg í Eysturríki. Hon er samskipari fyri Insight International and Insight Focused Therapy í Evropa. Hon er gift og eigur fýra børn.

Kostnaður:
Kostnaðurin fyri hvørt modul er kr. 3.500
Íroknað skeiðið er skeiðstilfar og ábit
Stað:
Byrgisheyggur 15
627 Lamba
Tíð:
Fríggjadag - sunnudag, 24.-26. februar 2012
frá kl. 10.00 til 17.00
Undirvísinigin er á enskum
Tilmelding:
Tekna til við at flyta peningin á kontu 9865 - 4171130]]> Fri, 3 Feb 2012 12:30:00 +0000 Mentan Rúna Sivertsen http://netavisin.fo/rss.php http://netavisin.fo/?ShowArticle=5541
Nýggi sáttmálin fyri tíðarskeiðið 2014-2020 ber heitið Horizon 2020.

Horizon 2020 skal vera við til at fáa Europa burturúr kreppuni við at skapa vøkstur og nýggj arbeiðspláss. Dentur verður lagdur á, at skipanin skal vera meira smidlig og atkomulig hjá smærri og miðalstórum virkjum.

Nýggja stuðulsskipanin verður munandi størri og breiðari, og lagt verður upp til at
samantvinna stuðul til gransking og nýskapan, fyri at skunda undir at loysa nakrar av stóru avbjóðingum í Europa eitt nú innan heilsuøkið, matvørutrygd, grøna orku, burðadyggan landbúnað, hav og havgransking, veðurlagsbroytingar, grøna orka v.m.

Tað var danski granskingarmálaráharrin Morten Østergaard, sum bjóðaði Bjørn Kalsø at
vera við á ráðstevnuni. Landsstýrismaðurin heldur, at tað hevur týdning at kunna seg gjøllari um, hvat fer fram á hesum týðandi øki. “Útbúgving, gransking, nýskapan og íverksetan verða mett sum mest týðandi íløgur í framtíðina, og tí hevur tað týdning, at vit fylgja væl við, so vit fáa sum mest burturúr okkara egna avmarkaða tilfeingi og kunnu troyta teir stóru stuðulsmøguleikar, sum vit hava atgongd til á hesum øki.”]]> Fri, 3 Feb 2012 12:00:00 +0000 Mentan Birgir Poulsen http://netavisin.fo/rss.php http://netavisin.fo/?ShowArticle=5540
Tilfar kjøtbollar:
500 g. hakkað kjøtfars (neyta ella svínakjøt, evt. samanbland av hesum)
1½ tesk. av grovum salti
1½ tesk. av pipar
50 g. av mjøli
1 egg
2½ dl. av mjólk
3-4 bótamolar, neytakjøtkraft

Tilfar karrysós:
1 leyk
4 fet hvítleyk
2 spsk. av smøri
2-3 tesk. av karry
2 spsk. av mjøli
1 dl. av køldum vatni
3 dl. av kókivatni frá kjøtbollunum
salt og pipar


Háttalag kjøtbollar:
Koyr kjørfarsið í eina skál, og elt fyrst salt í - so hongur kjøtið betri saman. Elt síðani mjøl og pipar í og síðani eggið. Koyr til seinast eitt sindur av mjólkini í á gangin. Set eina grýtu útá og koyr umleið 4 litur av vatni og koyr bótamolarnar í. Forma smáar kjøtbollar við eini spísiskeið og slepp teimum niður í kókandi vatnið. Set varman niður og lat kóka í 15 minuttir. Tá kjøtbollarnir flotna, eru teir liðnir.

Háttalag karrysós:
Hakka leykin og hvítleykin smátt. Koyr smør í eina grýtu at smelta. Koyr karry í smeltaða smærið og lat tað kóka/brúnka eina lítla løtu saman við leykinum og hvítleykinum. Ger ein javning við 1 dl. av køldum vatni og 2 spsk. mjøl, og stoyt hetta niðurí grýtuna. Rør og lat einar 3 dl av kókivatninum frá kjøtbollunum niðurí. Lat sósina koma uppá kók og smakka til við salti og pipari. Koyr restina av kókivatninum frá kjøtbollunum burtur, koyr kjøtbollarnar í sósina.

Borðreið við rísi ella eplum.

Góð ráð: Eigir tú t.d. eitt súrepli í køliskápinum, so sker tað sundur í bitar og koyr í karrysósina saman við leykinum.

Uppskrift: Sylvia Thomsen

Hygg annars undir Matgerð uttast til høgru omanfyri bláa bjálkan her á síðuni. Har eru fleiri uppskriftir at finna.

Vælgagnist :)]]> Fri, 3 Feb 2012 08:00:00 +0000 Matgerð Sylvia Sivertsen http://netavisin.fo/rss.php http://netavisin.fo/?ShowArticle=5536
Bretska farmaskipið SS Port Nicholson flutti loyniliga last við 71 tonsum av platini, gullkubbum, perlum, ídnaðardiamantum, kopari, sinki og øðrum virðismiklum, tá tað sakk hin 16. juni 1942 í ein landsynning úr Cape Cod, eftir at tvær torpedoir frá týska kavbátinum U-87 raktu.

Port Nicholson og fýra onnur skip vóru í fylgi við heili seks herskipum í konvoy frá Halifax til New York. Ætlanin var at sigla til Kyrrahavið, tá týskir kavbátar lupu á. Tá Port Nicholson varð rakt árla um morgunin, rýmdi manningin av skipinum, og teir vórðu allir bjargaðir av hinum skipunum í fylginum. Bert tveir mans, ið sótu vakt í maskinrúminum, lótu lív. 85 vórðu bjargaðir.

Morgunin eftir álopið fleyt Port Nicholson framvegis, og menn fóru umborð og royndu at bjarga tí. Millum teirra, ið fóru umborð aftur, vóru skiparin, maskinmeistarin og nakrir av yvirmonnunum saman við flotaovastanum frá HMCS Nanaimo. Teir lótu næstan allir lív, tá skipið brádliga sakk.

Skattaveiðifelagið Sub Sea Research (SSR) frá Portland í Maine í USA fann 27. august 2008 vrakið av SS Port Nicholson. Vrakið liggur á liðini á 200-300 metra dýpi. Felagið hevur síðan heintað mangt og hvat upp av skipinum og kannað vrakið við einum fjarstýrdum akfarið (remote operated vehicle (ROV)), so nú er eingin ivi um, at hetta veruliga er rætta skipið.

Nógvir tímar av filmi frá heystinum í 2011 og fund av smáum kassum, sum vanliga vórðu nýttir til kubbar av silvuri og gulli í 1942, hava prógvað, at her er okkurt at heinta. Kassarnir eru ov tungir fyri ROVaran at lyfta.

Skattaveiðifelagið fekk í 2009 ognarrætt til vrakið, og rætt til at hevja ella tøma tað. Seinni skal í rættinum gerast av, um felagið sleppur at hava tað, bjargað verður.

SSR væntar at fara undir tilgong at bjarga lastini síðst í hesum mánaðinum.]]> Fri, 3 Feb 2012 07:00:00 +0000 Vinnan Edmund Joensen http://netavisin.fo/rss.php http://netavisin.fo/?ShowArticle=5538
Thomas kemur til Føroya komandi mánadag, og spennandi verður at fylgja nýggja ÍF leikaranum.]]> Fri, 3 Feb 2012 06:00:00 +0000 Ítróttur Birgir Poulsen http://netavisin.fo/rss.php http://netavisin.fo/?ShowArticle=5539
Trolarin hevði fingið trolið í skrúvuna og kallaði á bjargingarskútuna Erik Bye um hjálp.

Um dagin er sildin á botni, og tí royna trolarar um dagin. Um náttina sleppur so nótin framat, tí tá er sildin uppi í sjónum.

Sildatrolarin Salvøy hevði seinnapartin sunnudagin fingið um skrúvuna, og hann slapp ongan veg. Bjargingarskútan Erik Bye sigldi út til hansara og setti sleip á. Fínasta veður var við einum lítlum loti av útsynningi.

Sleipað varð í fýra tímar. Síðan kavaðu teir í tveir tímar, áðrenn trolið varð leyst av skrúvuni aftur. Salvøy fór beinleiðis aftur til fiskiskap.]]> Thu, 2 Feb 2012 21:00:00 +0000 Vinnan Edmund Joensen http://netavisin.fo/rss.php http://netavisin.fo/?ShowArticle=5537
Netbankin er nú eisini tøkur sum app til smartphone og sum netbanki til vanligar fartelefonir, og tú fært tískil greitt tíni bankaviðurskifti, uttan mun hvar tú ert

Við nýggju Boðtænastuni ber til at fylgja við rørslum á kontuni umvegis sms-boð ella teldupost. Tískil kanst tú til dømis halda eyga við, nær lønin kemur á kontu, ella nær saldan fer niður um ávísa upphædd.]]> Thu, 2 Feb 2012 11:00:00 +0000 Vinnan Birgir Poulsen http://netavisin.fo/rss.php http://netavisin.fo/?ShowArticle=5535 við Trælavatnaskarð,
undir Tyrlunum báðum
situr tú, elskuliga kvinna , í víðum dali
við tínum smáu táum.
Kyldin lýðir tær
lívgandi orð í oyrað –
fimmtiára sprellivandi orð
frá farnum døgum
í fjølbroyttum løgum.

Knáv ert tú, Leila,
millum hesar natúrgyrdu sprotar -
í gráum grýti og gróti,
undir okkurgulum torvum,
meðan tað lotar,
millum vaggandi strá og blómur,
Í birtingum í tíni hugaverð.
Tá er hvør tín afturundirgerð
til gagns fyri tey,
ið líða i svárum verkum og sálarkvølum -
tín tign og aðalborna hugsan
í vøkrum, blómuskrýddum dølum.

Elskuliga, Leila og yndisblóma,
í fimmti ára tóna!
Takk fyri títt dirvi,

í tíni søk um bót og bata
fyri teimum, ið pínast
til likams og sálar,
um bygdaløg, tún, teigar og válar. -
Vælsignað veri hondin!
Í líðandi tónum
við góðum vónum
um sælar løtur
heima við hús - saman við manni,
foreldrum, systkjum, familju, vinum og kenningum -
og um alra hugans gøtur.

Hjartaliga til lukku
Frits]]> Thu, 2 Feb 2012 10:00:00 +0000 Mentan Birgir Poulsen http://netavisin.fo/rss.php http://netavisin.fo/?ShowArticle=5534
Serfrøðingar hjá Rolls Royce í Norra hava roynt til fánýtis, og nú tykist frægasta loysnin vera at fara til Norra við skipinum, so brekið kann verða kannað og umvælt har.

Hóast tað sjálvandi kemur illa við at skipið manglar, so ber til at lata hini bæði, Ægir og Týr, taka partar av uppgávunum í tær vikurnar, hetta væntandi fer at taka, sigur íslendska vaktartænastan á heimasíðu sínari.

Skipið fer til Bergen, har maskinurnar eru framleiddar.]]> Thu, 2 Feb 2012 08:00:00 +0000 Vinnan Edmund Joensen http://netavisin.fo/rss.php http://netavisin.fo/?ShowArticle=5533
Skíðararnir skuldu allir standa upprættir á skíðunum ein fjórðing, um metið skuldi góðtakast.

154 skíðarar løgdu út, men níggu teirra megnaðu ikki teinin. Hóast hetta varð metið tikið, tí 145 var nóg mikið at sláa gamla metið, ið var 114. Fyrra metið varð sett av sama toymið á sama stað fyri tveimum árum síðan.

Báturin nevndur Eagle er ein tvíkilja við 3.000 hestum. Yngsti luttakari var tólv ára gamal

Heimsmet við 145 skíðarum aftur úr einum báti:



Metið í 1986, tá 100 fólk skíðaðu:]]> Thu, 2 Feb 2012 07:00:00 +0000 Mentan Edmund Joensen http://netavisin.fo/rss.php http://netavisin.fo/?ShowArticle=5532
Vitjanin er liður í, at bæði skipsførara- og maskinmeistaraútbúgvingin í Føroyum skulu leggjast um til bachelor útbúgvingar.

Í fylgi við ráðharranum eru Leivur Harryson, Niclas Hovgaard og Jørgen Meitilberg

Med sig har Bjørn Kalsoy departementschef Leivur Harryson samt fuldmægtig Niclas Hovgaard og fuldmægtig Jørgen Meitelberg.

SIMAC stendur fyri Svendborg International Maritime Academi]]> Wed, 1 Feb 2012 23:30:00 +0000 Mentan Edmund Joensen http://netavisin.fo/rss.php http://netavisin.fo/?ShowArticle=5531
Kristel hevur nú sungið bæði contry, R'n'B, Nirvana, Etta Jamens og nú Christina Aguilera, og hon metir, at hon við hesum hevur víst Pernille, at hon dugir næstan alt.

Men Kristel er alt annað enn vís í, at hon sleppur víðari. Hinir fýra luttakararnir í hennara bólki eru framúr góðir sangarir, og bert trý av fimm sleppa víðari.

"Eg havi satsað alt, og eg verði sera, sera, sera kedd, um eg ikki komi víðari", sigur Kristel í eini samrøðuni við DR. Fylg slóðini niðanfyri.

Her í Føroyum bíða vit við spenningi til fríggjadagin og krossa fingrar fyri, at Kristel fer víðari - og møguliga sleppa vit at síggja nýggju stilettirnar í onkrari framførslu.

Trýst á leinkju: http://www.dr.dk/nu/popup/od/x-factor,x-factor-forsmag,x-factor-backstage,x-factor-fraklip/#/29860/02:16]]> Wed, 1 Feb 2012 20:30:00 +0000 X Factor Sylvia Sivertsen http://netavisin.fo/rss.php http://netavisin.fo/?ShowArticle=5527
Eftir tilmæli frá sosialu nevnd og fíggjarnevndini samtykti býráðið á býráðsfundi 18. oktober 2011 at seta á stovn eldraráð í Klaksvíkar kommunu.
Valskeiðið er 4 ár. Fyrsta valskeið eldraráðsins verður frá 1. mars 2012 til 31. desember 2016

At fyrireika valið er sett ein trímanna valnevnd við hesum limum:
• Anna Maria Joensen, forkvinna, umboðandi sosialu deild,
• Hans J. Heinesen, umboðandi Fólkayvirlitið, og
• Maria Thorsteinsson, umboðandi býráðumsitingina annars.

Vallistar skulu verða nevndini (Miðluni) í hendi í seinasta lagi týsdagin 28. februar 2012.
Saman við valevnisfráboðanini eigur at fylgja undirskrift hjá minst 5 stillarum, sum lúka treytirnar fyri valrætti til eldraráðið.
Oyðubløð til uppstilling av valevnum eru at fáa á heimasíðuni hjá Klaksvíkar kommunu og við at venda sær til Miðlan.

Í viðtøkunum fyri eldraráðið, sum býráðið hevur samtykt, er ásett:
• Eldraráðið er ráðgevi hjá kommununi og fær í lag samskifti millum eldru borgarnar og kommununa.
• Eldraráðið verður kunnað um tiltøk, sum hava týdning fyri tey eldru, og eigur at samarbeiða við kommunustýrið fyri at tryggja, at atlit verður tikið til ynski og tørv hjá teimum eldru.
• Eldraráðið skal koma við hugskotum og virka fyri, at vitan og royndir hjá teimum eldru verða virðismett og gagnnýtt.

Sostatt eru fyrireikingarnar nú komnar somikið langt, at fólk kunnu stilla upp til eldraráðið.


Viðtøkurnar fyri Eldraráðið í Klaksvík eru annars soljóðandi:

§ 1 - Endamál
Eldraráðið er ráðgevi hjá kommununi og fær í lag samskifti millum eldru borgarnar og kommununa.

Stk. 2
Eldraráðið verður kunnað um tiltøk, sum hava týdning fyri tey eldru, og eigur at samarbeiða við kommunustýrið fyri at tryggja, at atlit verður tikið til ynski og tørv hjá teimum eldru.

Stk. 3
Eldraráðið skal koma við hugskotum og virka fyri, at vitan og royndir hjá teimum eldru verða virðismett og gagnnýtt.

§ 2 - Heimild
Eldraráðið veitir kommunustýrinum ráð í eldrapolitiskum spurningum og virkar sum ein samskiftisstovnur millum borgarar og kommununa í sambandi við tilrættaleggingina av eldrapolitikkinum.

Stk. 2
Kommunustýrið kann spyrja Eldraráðið um tað, sum viðvíkur teimum eldru.

Stk. 3
Einstøku kommununevndirnar samskifta við Eldraráðið í málum, sum hava við teirra málsøki at gera.

Stk. 4
Eldraráðið kann av sínum eintingum siga kommunustýrinum sína hugsan um eitthvørt evni av almennum slag.

§ 3 - Starvsháttur Eldraráðsins
Eldraráðið skal kunna seg um ynski og tørv teirra gomlu og um kommununnar viðurskifti á eldraøkinum.

Stk. 2
Eldraráðið skal virka fyri áhaldandi kunning til tey eldru um broytingar og nýskapan á eldraøkinum.

Stk. 3
Eldraráðið skal halda fast um og útbyggja samskiftið við kommununa gjøgnum framhaldandi meting av tiltøkum á eldraøkinum, og harvið menna og tillaga tey samsvarandi samfelagsmenningini.

Stk. 4
Eldraráðið eigur at hoyra tær staðbundu nevndirnar í málum á eldraøkinum.

§ 4 - Eldraráðsins samanseting
Valdir verða 5 limir og 5 varalimir til Eldraráðið.

Stk. 2
3 teir fyrstvaldu varalimirnir kunnu eisini møta á øllum fundum hjá Eldraráðnum, men hava ikki atkvøðurætt.

Stk. 3
Valskeiðið er 4 ár. Fyrsta valskeið eldraráðsins verður frá 1. mars 2012 til 31. desember 2016

Stk. 4
Limur í ráðnum kann frítakast fyri limaskap eftir áheitan. Avgerð um limur verður frítikin tekur eldraráðið.

Stk. 5
Um ein limur í valskeiðnum missir valbæri, doyr ella verður frítikin samb. § 4 stk. 4 kemur varalimur inn tí raðfylgju, teir eru valdir.

Stk. 6
Er eingin varalimur á varalistanum at seta ístaðin, verður eykaval í samráð við kommununa.

§ 5 - Val til Eldraráðið
Val til Eldraráðið er 4. hvørt ár í samand við býráðsvalið, tó er ta fyrsta valið
21. februar 2012.

Stk. 2
Valbæri og atkvøðurætt hava allir borgarar í kommununi, sum valdagin hava fylt 60 ár.

Stk. 3
Valevni, sum ynskja at stilla upp, geva skrivlig boð um hetta í seinasta lagi 4 vikur, áðrenn valið verður hildið. Saman við valevnisfráboðanini eigur at fylgja undirskrift hjá minst 5 stillarum, sum lúka treytirnar fyri valrætti til Eldraráðið.
Oyðubløð til uppstilling av valevnum eru at fáa á heimasíðuni hjá Klaksvíkar kommunu og við at venda sær til Miðlan.

Stk. 4
Bara valevni, sum rættstundis hava boða frá, og sum rættstundis hava sent inn stillaralista, kunnu verða uppstillað.

Stk. 5
Kommunan ásetir nærri reglur um valið, herundir um freistir, vallistar, atkvøðugreiðsluna, brævatkvøður, kunngerð og uppgerð av valinum, klagur um valið v.m.

§ 6 - Stovnan og arbeiðsháttur
Eldraráðið skipar seg við formanni, næstformanni, kassameistara og skrivara á fyrsta fundi eftir valið.

Stk. 2
Eldraráðið ásetir sjálvt fundarskrá sína, hvussu ofta fundir skulu verða, reglur fyri dagskrá, fundarinnkalling og ráðsins arbeiðshátt.

Stk. 3
Dagsskrá og fundarfrásøgn skal sendast til kommunustýrið, fundarfrásøgnin er almenn við virðing fyri tagnarskylduni.

Stk. 4
Tað er sjálvboðið at verða limur í Eldraráðnum. Samsýning verður ikki latin, men limirnir kunnu fáa endurgjald fyri skjalprógvaðar útreiðslur til ferðing til og frá fundum í Eldraráðnum.

Stk. 5
Kommunustýrið setir eina upphædd á fíggjarætlanini til Eldraráðsins virksemi.

Stk. 6
Kommunan veitir skrivstovuhøli, fundarhøli og skrivarahjálp til Eldraráðið.

§ 7 - Gildiskoma/ Íverksetan
Viðtøkurnar koma í gildi, tá tær eru samtyktar av býráðnum.

§ 8 - Broytingar í viðtøkunum
Eldraráðið, ella ein meiriluti, kann koma við uppskoti til býráðið um broytingar í viðtøkunum.

Stk. 2
Býráðið kann koma við uppskoti til broytingar í viðtøkunum.

Stk. 3
Broytingar í viðtøkunum koma í gildi, tá tær eru samtyktar í býráðnum.

§ 9 - Um at taka Eldraráðið av
Býráðið kann til eina og hvørja tíð gera av, at Eldraráðið verður tikið av. Áðrenn tílík avgerð verður málið í góðari tíð frammanundan lagt fyri Eldraráðið til ummælis.

Stk. 2
Verður Eldraráðið tikið av, fella allar møguligar ognir v.m. til Klaksvíkar kommunu.]]> Wed, 1 Feb 2012 19:30:00 +0000 Mentan Edmund Joensen http://netavisin.fo/rss.php http://netavisin.fo/?ShowArticle=5530
Í fyrstu atløgu kærdi Salmar Nord avgerðina um slakt, skrivar Troms Folkeblad. Kæran varð ikki tikin til eftirtektar av myndugleikanum, Mattilsynet, sum týsdagin helt fast við, at allur laksurin í ringunum í Finnvika skuldi takast.

Í ringunum eru tvær milliónir laksar, síl og ælabogasíl, sum sett vórðu út í heyst. Meðalvektin er 300 gramm.

Fiskurin verður mettur til umleið 30 milliónir krónur í virði, og nú stríðist fyritøkan fyri at sleppa frá at drepa allan fiskin.. Tey siga seg megna at avmarka sjúkuna til tann eina ringin. Tí halda tey ikki, at tað er neyðugt at taka fiskin, fyrrenn hann er komin upp á vanliga sláturvekt.

Hetta brúkið liggur rættiliga langt burtur frá øðrum brúkum, so fyritøkan metir, at vandin fyri smittu er ikki so stórur.

Sjúkan rínir bert við laks, og tað er ikki skaðiligt at eta laks, ið hevur PD.]]> Wed, 1 Feb 2012 18:00:00 +0000 Vinnan Edmund Joensen http://netavisin.fo/rss.php http://netavisin.fo/?ShowArticle=5529
Tað sermerkta við hesum skerisløkkjara er, at hann fyrst sker hol á veggin til eitt brennandi rúm, og síðan kølir vatnflamman eldin niður, áðrenn sløkkiliðsmenn fara innar at sløkkja eldin. Hetta ger arbeiðið hjá sløkkiliðsmonnunum nógv tryggari enn annars.

Skerisløkkjarin sker seg gjøgnum timbur, betong og jarn eftir fáum sekundum. Í eini roynd, sum varð gjørd uttanfyri støðina hjá Fuglafjarðar sløkkiliði, tók tað einans 1 sekund at skera hol gjøgnum eina timburhurð, 2 sekund at skera hol á eitt rør úr rustfríum stáli og einans 12 sekund at skera seg gjøgnum eina 6 mm tjúkka jarnplátu.

Vælútgjørt sløkkilið
Fuglafjarðar sløkkilið man vera millum best útgjørdu sløkkilið í landinum við útgerð bæði til eldsløkking og oljudálking.

Jóhan Clementsen, sløkkiliðsleiðari, sigur við Netavísina, at útgerðir kostar umleið 360.000 krónur . Teir eru sera fegnir um nýggju útgerðina, og eru nú enn betur fyri at sløkkja eldar, bæði á landi og umborð á skipum.]]> Wed, 1 Feb 2012 16:30:00 +0000 Mentan Birgir Poulsen http://netavisin.fo/rss.php http://netavisin.fo/?ShowArticle=5528
At verkfallið og Sement skuldu renna saman soleiðis er sera óheppið. Men tað merkir ikki, at tiltakið er avlýst. Føroya størsta tónleikakapping verður í ár - spurningurin er bara nær.

So leingi verkfall er, er tiltakið útsett. Hetta merkir, at í núverandi løtu ber ikki til at fastseta nýggja dato á Sement 2012. Fyrireikingarnar verða tiknar upp aftur og almenningurin kunnaður gongdina, tá ið verkfallið er liðugt.]]> Wed, 1 Feb 2012 10:30:00 +0000 Mentan Birgir Poulsen http://netavisin.fo/rss.php http://netavisin.fo/?ShowArticle=5526
Áðrenn Fródi fann saman við The Pink Slips, gav hann út egna fløgu. Hetta var í 2009, og fløgan æt Creeping Storm. Hon varð nógv at hoyra í útvarpi.

Í 2010 komu so Fródi & The Pink Slips við fyrstu stakfløgu síni PIAMWYALLISM, og síðan tá hava teir regluliga verið á palli ymsastaðni í keypmannahavn.

Fródi & The Pink Slips eru júst nú í holtur við nýggja útgávu, ið ætlandi kemur á marknaðin í summar, og í tí sambandi fara teir eisini á konsertferð í Europa.

Niðanfyri er ein brellbiti, ið umboðar tað, væntast kann av komandi fløguni:



Fródi & The Pink Slips:

Fróði Hansen: Vocals & harmonica

Sveinur Dam: Guitar & backing vocals

Bjartur Dal-Christiansen: Guitar

Jan Jensen: Bass

Drums: Anonymous Albert

Netsíða: http://frodiandthepinkslips.com]]> Wed, 1 Feb 2012 08:00:00 +0000 Mentan Edmund Joensen http://netavisin.fo/rss.php http://netavisin.fo/?ShowArticle=5524
Lastbilurin var á veg til býin Ardglass í Norðurírlandi, tá førarin í gáloysni kom ov langt út á jaðaran, og bilurin holvdist.

Bóndin, 71 ára gamli Gordon Flinn, hevði ongan hug á makrelinum, so makrelur varð ruddaður burtur av øki hansara. Ein gravimaskina, ein krani og sjey tólv mans arbeiddu í sjey tímar, áðrenn allur makrelurin varð burturbeindur.

Dóttir bóndans tók myndirnar.]]> Wed, 1 Feb 2012 07:00:00 +0000 Mentan Edmund Joensen http://netavisin.fo/rss.php http://netavisin.fo/?ShowArticle=5525
Framsýningin verður opin til 17. februar, týsdag til fríggjadag kl. 15 til 18 og leygardag kl. 16 til 18.]]> Wed, 1 Feb 2012 00:30:00 +0000 Mentan Edmund Joensen http://netavisin.fo/rss.php http://netavisin.fo/?ShowArticle=5523